«Мың бала-2025» ұлттық олимпиадасы

          Қазақстан Республикасының Оқу-ағарту министрлігі «El Umiti» қоры» корпоративтік қорымен серіктестікте алтыншы жыл қатарынан 6 сынып оқушыларына арналған «Мың бала» ұлттық олимпиадасын өткізуде.

        «Мың бала» олимпиадасы – ауылдық жерлердегі дарынды балаларды анықтайтын және оларға қолдау көрсететін аса маңызды жобалардың бірі. «Мың бала» олимпиадасына қатысу тегін. Биылғы «Мың бала» олимпиадасына тіркелу 10 ақпан мен 10 наурыз аралығында 1000bala.elumiti.kz сайтында өтті.

         «Мың бала» олимпиадасы екі кезеңнен тұрады. I-кезең онлайн форматта өтіп жатыр. Ақмола облысы оқушылары 2025 жылы  1-4 сәуір аралығында І кезең кестесіне сәйкес Астана уақыты бойынша сағат 9.00- ден 18.00- ге дейін 1000bala.elumiti.kz сайтында тестілеуден өту қажет. Тестілеу екі бөлімнен тұрады: логикалық ойлау - 20 сұрақ, кеңістіктік ойлау-20 сұрақ. Тест барлығы - 40 сұрақты қамтиды және шамамен 90 минутта орындаллады. Тестілеуді камерасы бар ноутбук арқылы немесе интернетке қосылған веб-камерасы бар компьютерден тапсыруға болады.  Тестілеуден тек тіркелген оқушылар ғана өте алады. Техникалық  мәселелер туындаған жағдайда  https//1000бала.еlumiti.kz.сайттағы чат-консультантқа хабарласуды сұраймыз. Немесе 87273100258. Қоңырау ақылы. 

          Облыс бойынша ең жоғары қорытынды балл жинаған бес мың оқушы олимпиаданың II кезеңіне өтеді.

         Бұл кезеңде қатысушылар мынадай пәндер бойынша академиялық білімдерін бағалау үшін компьютерлік тестілеуден өтеді: математикалық сауаттылық, қазақ тілінде оқытатын оқушылар үшін қазақ тілі, орыс тілінде оқытатын оқушылар үшін орыс тілі, ағылшын тілі, жаратылыстану. Тест 100 сұрақтан тұрады және 150 минутқа созылады.

        Үздік нәтиже көрсеткен қатысушылар Дарын, БИЛ және РФММ сияқты мамандандырылған мектептерде оқуға түсу мүмкіндігіне ие болады.

  Ақкөл ауданы бойынша

 білім бөлімінің әдіскері                                       Ахтышхан Х