Ақкөл ауданының білім мекемелерінде және аудандық Мәдениет және тілдерді дамыту бөлімдерінде Қазақстан халқының Тілдері күніне арналған салтанатты шара

       2024 жылы 5 қыркүйек күні Қазақстан халқы тілдері күні мерекесі ашылуы Ақкөл ауданының барлық білім ұйымдарында салтанатты түрде  атап өтілді. Аудандағы білім ұйымдарының ұстаздары, оқушылары, тіл жанашырлары  аудандық іс – шараларға да белсенді қатысты.   

            Аудандық Мәдениет үйінің ұйымдастыруымен Тілдер онкүндігі аясында дәстүрлі түрде өтілетін  «Тіл – қаруы – сөз, сөз қаруы- ой» интеллектуалдық ойынына қала және ауыл мектептерінің ұстаздарынан құралған 4 топ қатысып, көптің көңілінен шықты.

           Сайыс нәтижесінде  Ж. Бектұров атындағы № 3 жалпы орта білім беретін мектебінің командасы Гран при  (Пермахан Нұртілеу- топ басшысы, Қыпшақбай Жолбарыс, Қуандыков Кеңпейіл, Орынбай Шынар),  1- орын Жалғызқарағай ауылының Кирдищев атындағы  жалпы орта білім беретін мектебінің командасы (Төлеубек Еркегүл - топ басшысы, Танхай Саулеш, Азамат Арайлым,  Нарау Гүлмерей),   2- орын Ақкөл қаласының № 2 жалпы орта білім беретін мектебінің командасы  (Пермахан Тілеуберді- топ басшысы, Тілеухан Арманбек, Удешева Камила Ерулановна, Шотыбаева Айгүл Амангелдиновна),  3- орын Азат ауылының  жалпы орта білім беретін мектебінің командасы (Саяхат Аманжан - топ басшысы, Тойлан Асылболат, Суханберді Бақытжан, Жанболат Балғынбек) иеленді. Қатысушылар арнайы диплом және сыйлықтармен марапатталды.

Ақкөл ауданы бойынша

білім бөлімінің  әдіскері    Ханша Ахтышхан