Облыстық «Мәшһүр Жүсіп оқулары-2024»

Облыстық  «Мәшһүр  Жүсіп  оқулары-2024»

        Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау орталығы   2024 жылы   7-9  ақпан аралығында   Көкшетау қаласы, Абай атындағы дарынды балаларға арналған № 3 облыстық мамандандырылған мектеп- интернатының базасында 9-11 сынып оқушыларына арналған республикалық  «Мәшһүр Жүсіп оқулары» байқауының облыстық кезеңі  өткізілді.

          «Мәшһүр Жүсіп оқулары» байқауының  негізгі мақсаты- философ ақынның рухани мұрасын дәріптеу, шығармаларында бейнеленген туған жерге сүйіспеншілік, белсенді азаматтық ұстанымды өскелең ұрпақты тәрбиелеу,  тұлғаның зияткерлік және шығармашылық әлеуетін дамыту болып табылады. Байқау 4 номинация бойынша өткізілді.

 І   бағыт- «Алдыма өлең  жаз деп қағаз келген, Сөзімді сөйлеп бақтым мен де білген»

 ІІ  бағыт- "Бас болып өнер білсең, тіпті жақсы"

 ІІІ бағыт- "Білімді зерек адам болам!- десең, Қара өзіңді  басқаның  айнасымен"

 ІҮ бағыт "Мәшһүр - Жүсіп шығармалары және "Ұлы даланың   ұлы есімдері"

         Байқауға Ақмола облысының жалпы білім беретін ұйымдарынан 64 оқушы қатысты. Ақкөл ауданы бойынша аудандық байқаудың 3 жеңімпазы қатысты.   Қына ауылының жалпы орта білім беретін мектебінің  9- сынып оқушысы   Ілияс Ақерке (мұғалімі Даутбаева Б. К.)   3- орын иеленіп,   Ақмола облысы  Білім басқармасының  ІІІ дәрежелі дипломымен марапатталды. Қына ауылының  8- сынып оқушысы Садықанова Еркеназ  (мұғалімі Даутбаева Б. К.)  және Амангелді ауылының негізгі орта мектебінің   8- сынып оқушысы Лұқпан Берекет (мұғалімі Ибраева С. А.)  білім басқармасының сертификатымен марапатталды.   Жеңімпаз оқушыларды және ұстаздарын,  мектеп ұжымын шын жүректен құттықтаймыз!

 Ақкөл аудандық білім

  бөлімінің әдіскері                       Ханша Ахтышханқызы