2026–2027 оқу жылына 1-сыныпқа құжат қабылдау басталатынын хабарлаймыз.

Құрметті ата-аналар, ұстаздар және оқушылар!

Ағымдағы жылғы 1 сәуірден бастап 2026–2027 оқу жылына 1-сыныпқа құжат қабылдау басталатынын хабарлаймыз.

Қазақстан Республикасы Білім және ғылым министрінің 2018 жылғы 16 қазандағы № 564 бұйрығына сәйкес, бірінші сыныпқа қабылдау үшін құжаттарды ата-аналардан немесе өзге де заңды өкілдерден 1 сәуірден 31 тамызға дейін қабылдау жүзеге асырылады.

1-сыныпқа қабылдау тәртібі

1-сыныпқа биыл 6 жасқа толған немесе осы жылы 6 жасқа толатын балалар ата-анасының (заңды өкілдің) жеке өтініші негізінде қабылданады. Бұл – мемлекеттік қызмет болып табылады.

Құжаттар Egov.kz электрондық үкімет порталы арқылы қабылданады.
Ата-аналар алдын ала өз баласын баратын мектепке тіркеп, портал арқылы өтініш бере алады.

Қажетті құжаттар тізімі

(Құжаттар көлемі 5 МБ-тан аспауы керек.)

• баланың туу туралы куәлігінің көшірмесі;
• 052-2/у нысандағы денсаулық паспорты;
• 3х4 көлеміндегі екі фотосурет;
• қажет болған жағдайда ПМПК қорытындысы (ерекше білім беруді қажет ететін балалар үшін).

Өтінішті:

• үй жағдайында,
• ХҚКО-ларда,
• мектептердегі өзін-өзі қызмет көрсету бұрыштарында
  беруге болады.

Мемлекеттік қызмет көрсетуден бас тарту негіздері

• ұсынылған құжаттар мен ақпараттың сенімсіз болуы;
• құжаттардың ҚР БҒМ-нің 2018 жылғы № 546 бұйрығында белгіленген талаптарға сәйкес келмеуі;
• сынып жинақталымының шамадан тыс толуы.